For di tempu ku hende di afó a bin biba den ‘Mundu Nobo’ (= kontinente Merikano) nan mester a re-inventá tur kos. Nan no tabatin nada otro ku e par di kosnan ku nan por a trese i nan mester a traha tur kos di nobo.
Nan a sigui bai Wèst ku poko rekursonan i sin hèrmènt i otro fasilidatnan nesesario. Esaki a forsa nan pa siña improvisá. Te dia di awe na nos islanan nos mester improvisá hopi, pasobra konosementu organisá simplemente no ta available. Ta p’esei nos mester sa un tiki di tur kos. Spesiali-sashon ta un kos raro serka nos.
Asina ta ku nos a desaroyá un talento tremendo pa improvisá. Lástimamente, esaki ta deteriorá fásilmente den loke nos por yama ‘malorganisashon organisá’. Europeonan ta stèns mas tantu riba organisashon. Loke nos mester hasi ta pa kombiná e dos talentonan aki. Esei lo hasi nos invisibel!