For di Hulanda, nos amigo Augustin Stamper ta opiná lo siguiente: “Ta di lamentá ku e deklarashonnan di presidènt di Venezuela bou nos poblashonnan den Karibe NO ta wòrdu tumá na serio i hopi di nos hendenan ta tum’é komo un loko. Esaki ta un eror grandi pa motibu ku presidente Hugo Chavez a kambia e leinan konstitushonal di Venezuela. Un kambio drástiko ku ta hasi su persona keda presidente te na morto. E tin hopi infl uensia den Karibe i tambe den un parti importante di Latino Amerika, amigu di paisnan ku ta enemigo di Estadonan Uní di Merka.
Awor ku e ta presidente pa bida largu, e NO por keda advertí mas den direkshon ku nos isla(nan) geográfi kamente ta pertenesé na Venezuela i NO na Hulanda. Si e mes NO ke mas, awor e mester bai aktua, NO ta ked’é otro. E mester bai kumpli pa tene su krebilidat haltu bou di su pueblo ku a dun’é e konfiansa pa dirigí destino di e pais Venezuela. Nos mundu defi nitivamente NO ta un paraiso. Tin indikashonnan hopi serio ku nos planeta ta rotando serka di e portanan di fièrnu, anto leu for di e portanan di shelu. Chavez lo mester bai kumpli ku loke el a bin ta primintí i advertí, un konflikto armá den e region Karibense i e kontinente Amerikano ta parse algo ‘inevitable’, pa despues esaki desemboká den e tersera guera mundial. Si nos mundu ta un paraiso, anto e ora ei so lo tin motibunan pa bisa ku Chavez ta loko.
Augustin Stamper
Tel. 0031-6-28774982
NOTA di ARCO: Chavez no ta loko, ni nos amigu Stamper tampoko. Pero ban keda positivo. Venezuela a firma un ‘grensverdrag’ ku Reino Hulandes.